Skip to Content Skip to Navigation

Tim Jenkins, Balladeer: Music

Green Grow the Rashes, O

(Tim Jenkins, Balladeer)
August 8, 2010
Robert Burns

There’s nought but care on ev’ry han’
In ev’ry hour that passes, O:
What signifies the life o’ man,
An’ ‘twere not for the lasses, O.

Green grow the rashes, O
Green grow the rashes, O
The sweetest hours that e’re I spend
Are spent amang the lasses O.

The warly race may riches chase,
An’ riches still may fly them, O;
And tho’ at last they catch them fast,
Their hearts can ne’er enjoy them O.

But gie me a cannie hour at e’en,
My arms about my dearie, O
An’ warly cares, an’ warly men,
Shall a’ gae tapsalteerie, O

But ye sae douce, ye sneer at this
Ye’re nought but senseless asses, O
The wisest man the warl’ e’re saw
He dearly lov’d the lasses O.

Auld Nature swears, the lovely dears,
Her noblest work she classes, O:
Her prentice han’ she try’d on man,
An’ then she made the lasses. O.
Chorus (2X)

rashes: rushes
nought: nothing
ev’ry: every
han’: hand
o’: of
an’: and
‘twere: it were
e’re: ever
amang: among
warly: worldly
tho’: though
ne’er: never
gie: give
cannie: quiet
e’en: evening
gae: go
tapsalteerie: upside-down
sae: so
douce: prudent
ye’re: you are
warl’: world
lov’d: loved
auld: old
prentice: apprentice